GreenCamUz loyihasi bo‘yicha targ‘ibot sessiyasi muvaffaqiyatli o‘tkazildi!
12-avgust kuni O‘zbekistondagi Erasmus+ Milliy ofisi hamda Qo‘qon universiteti hamkorligida Erasmus+ CBHE doirasidagi GreenCamUz – “Green Campus Initiative: Integrating Sustainability into Higher Education in Uzbekistan” loyihasiga bag‘ishlangan onlayn targ‘ibot sessiyasi tashkil etildi.
Sessiya davomida GreenCamUz loyihasi vakillari:
🔹 Loyihaning maqsadlari, asosiy faoliyat yo‘nalishlari, ish paketlari va kutilayotgan natijalari haqida ma’lumot berdilar;
🔹 Oliy ta’lim dasturlariga barqarorlik va “yashil” kompetensiyalarni integratsiya qilish muhimligini ta’kidladilar;
🔹 OTMlarda “yashil kampus”larni rivojlantirish, ekologik xabardorlikni oshirish va ekologik mas’uliyatli universitetlarni qo‘llab-quvvatlash bo‘yicha yondashuvlar bilan o‘rtoqlashdilar;
🔹 Hamkorlik, tajriba almashish va oliy ta’lim muassasalari o‘rtasida yangi tashabbuslarni rivojlantirish imkoniyatlari muhokama qilindi.
💬 Ishtirokchilar “yashil kampus” amaliyotlari bilan yaqindan tanishish, o‘z fikr va g‘oyalarini almashish hamda GreenCamUz loyihasining O‘zbekistonda barqaror oliy ta’limni rivojlantirishdagi hissasi haqida batafsil ma’lumot olish imkoniga ega bo‘ldilar.
🤝 Erasmus+ loyihalari xalqaro hamkorlikni mustahkamlash, innovatsiyalarni qo‘llab-quvvatlash va oliy ta’limning barqaror rivojlanishiga hissa qo‘shishda davom etmoqda.
📹 Sessiya yozuvini quyidagi havola orqali tomosha qilishingiz mumkin: https://youtu.be/iB71ISEI_-s
Batafsil 👈